(Il-kontenut tal-Kotba Diġitali żviluppat għall-Qari Għal Qalbi/Malti llivellat, li qiegħed miżmum fuq din il-pjattaforma u l-kodiċi HTML5 tiegħu, għandu jibqa’ l-proprjetà intellettwali tal-Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni, u għalhekk ma jistax isir użu kummerċjali u/jew profitt minnu).

Ikla Kif Imiss

null
Tonio u Ġorġ kienu jħobbuha ’l żaqqhom.
Qatt ma kienu jħalluha nieqsa minn xejn.
Għajnejhom akbar minn żaqqhom.
Paġna 1
null
Minn kmieni filgħodu ssibhom fil-kċina.
Jibdew b’kolazzjon żul minn hemm.
Ma jilħqux jgħaddu sagħtejn li ma jibdiex it-tieni ritwal.
Paġna 2
null
Tonio jipprepara l-platti u jlesti l-mejda.
Ġorġ ħsiebu biss biex ikewwes fil-borma jew fit-taġen.
L-hena tiegħu jivvinta xi platt ġdid li ħadd ma jkun ra bħalu.
Paġna 3
null
Ommhom kienet drathom.
Fil-vaganzi tas-sajf tgħidx kemm kienet tieħu gost bihom.
Xi platt bnin għaliha ma kienx jonqos.
Paġna 4
null
Darba minnhom Tonio xtara naqra krema friska.
Ipprepara zalza tal-ħabaq biex jipprova jimpressjona lil Ġorġ.
Ried jurih li hu wkoll kien kapaċi jivvinta platt mill-aqwa.
Paġna 5
null
Iżda ma kinitx krema li xtara!
Fis-sajf trid toqgħod attent x’tixtri, speċjalment fejn jidħol il-ħalib.
Iz-zalza kienet lesta.
Ir-riħa li bdiet ġejja kienet taqsamlek qalbek.
Paġna 6
null
Tonio, Ġorġ u l-mamà poġġew bilqiegħda mal-mejda.
Bdew jieklu dak il-platt imħawwar u bnin. Iżda lanqas laħqu lestew li ma spiċċawx jagħmlu tellieqa sal-kamra tal-banju.
Paġna 7
null
Tonio qatt ma reġa’ pprova jkewwes fil-kċina.
U lanqas li kieku ried!
Il-mamà u Ġorġ ma kinux sa jerġgħu jieklu xi ħaġa oħra minn taħt idejh.
Paġna 8
Tmiem