(Il-kontenut tal-Kotba Diġitali żviluppat għall-Qari Għal Qalbi/Malti llivellat, li qiegħed miżmum fuq din il-pjattaforma u l-kodiċi HTML5 tiegħu, għandu jibqa’ l-proprjetà intellettwali tal-Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni, u għalhekk ma jistax isir użu kummerċjali u/jew profitt minnu).

Ejja Nagħmlu Kejk

Ħelow! Jien jisimni Stella u din il-mamà tiegħi.
Illum in-nanna Pawlina se tagħlaq sninha.
Jien u l-mamà se nagħmlu kejk taċ-ċikkulata għall-okkażjoni.
null
Paġna 1
Qabel nibdew il-mamà qaltli biex immur naħsel idejja.
Dejjem irridu naħslu jdejna qabel ma mmissu l-ikel.
Il-mamà tgħidli li jekk ma nagħmlux hekk, nistgħu ngħaddu l-mikrobi fl-ikel.
Imma jiena ma nistax narahom…
null
Paġna 2
B’idejja maħsulin u nodfa se nibda billi niżen ftit dqiq.
null
Paġna 3
Issa jmissni nżid il-bajd, il-butir, iz-zokkor u ċ-ċikkulata.
null
Paġna 4
Hawn x’inhu ġej? Qed inħoss li se nagħtas…
Aħjar noħroġ mill-kċina qabel ma nagħtas fuq l-ikel.
Ħa nieħu sarvetta tal-karti u niġi lura.
null
Paġna 5
“Mur aħsel idejk!” għajtet il-mamà.
Erġajna... bil-mikrobi.
Wara li ħsilt idejja se nixgħel il-mikser biex inħawwad l-ingredjenti.
null
Paġna 6
Wara li dlikt id-dixx bil-butir se nferra’ t-taħlita ġo fih.
Imbagħad kemm inpoġġi d-dixx fil-forn.
null
Paġna 7
Sakemm isir il-kejk se noqgħod nilgħab ma’ Baxter.
Baxter jieħu gost ħafna meta jarani.
Huwa jilgħaqli wiċċi waqt li jien noqgħod immellsu.
null
Paġna 8
“Trinn! Trinn!” Qed nisma’ l-forn idoqq.
“Isa, Stella, mur sejjaħ lin-nanna,” qaltli l-mamà, “imma qabel ma taħsel idejk m’intix se tieħu biċċa kejk.”
null
Paġna 9
Ħa mmur niġri nsejjaħ lin-nanna Pawlina, imma qed ninsa xi ħaġa! Ma nistax niftakar…
null
Paġna 10
“Awguri, nanna!” nifirħulha, waqt li n-nanna titfi x-xemgħat.
null
Paġna 11
Il-mamà bdiet taqta’ l-kejk f’biċċiet, waqt li jien ħadt plattina għalija.
“Le! Mhux qabel ma taħsel idejk,” qaltli l-mamà.
null
Paġna 12
Poġġejt il-plattina fuq il-mejda biex immur naħsel idejja.
Irnexxieli nżomm il-mikrobi ’l bogħod għal ġurnata oħra…
null
Paġna 13
L-ingredjenti
  • 150 g dqiq self-raising
  • 220 g zokkor caster
  • 80 g marġerina maħlula
  • 50 g trab taċ-ċikkulata
  • 125 ml ħalib
  • 2 bajdiet imħabbta
Il-metodu
  1. Ixgħel il-forn 180°C (jew 160°C jekk fih il-fann). Idlek dixx tond b’dijametru ta’ 24 ċm bil-marġerina u roxx ftit dqiq fuqu.
  2. Għarbel id-dqiq ġol-iskutella tal-mikser.
  3. Żid il-kumplament tal-ingredjenti u ħawwad għal erba’ minuti b’veloċità qawwija.
  4. Ferra’ t-taħlita ġod-dixx u aħmi għal 35–40 minuta.
Paġna 14
Tmiem