(Il-kontenut tal-Kotba Diġitali żviluppat għall-Qari Għal Qalbi/Malti llivellat, li qiegħed miżmum fuq din il-pjattaforma u l-kodiċi HTML5 tiegħu, għandu jibqa’ l-proprjetà intellettwali tal-Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni, u għalhekk ma jistax isir użu kummerċjali u/jew profitt minnu).

Irrid Nirkeb il-Qawsalla

Ta’ kull darba, wara x-xita,
meta x-xemx fis-sema hemm barra
toħroġ tiddi, inħoss ix-xewqa
illi nirkeb il-qawsalla.
null
Paġna 1
Għax minn dejjem ammirajtha
tleqq fix-xemx fin-nofs tal-ġnien
bħal nofs ċirku jew arkata
kollha ġmiel, b’sebat ilwien.
null
Paġna 2
Blu, oranġjo, aħdar u aħmar,
indigo, isfar u vjola.
Kemm nitgħaxxaq xħin nilmaħha
tkanġi donnha antaċċola!
null
Paġna 3
Kemm tixgħelli l-fantasija!
Kemm nixtieq nitħabbeb magħha!
Tgħid fejn tmur meta tistaħba
u minn fejn ġabet l-ilwien tagħha?
null
Paġna 4
Darba minnhom, malli feġġet
xtaqt li llum xewqti naqtagħha.
Ma stajtx nirreżisti iktar
din il-ħolma li nkun magħha.
null
Paġna 5
Tgħid kif nagħmel biex nilħaqha?
Inġib siġġu sabiex nogħla?
Tgħid inġib sellum u nwaqqfu,
jew nixxabbat mat-tarjola?
null
Paġna 6
Ommi qaltli dik mhix vera
u ma jdumx ma r-riħ jitfiha.
Dik dawl u ilma, mingħajr ġisem,
mill-bogħod biss tista’ tgawdiha.
null
Paġna 7
Meta r-raġġi jolqtu l-ilma
tal-irxiex ftit angulati
jsiru lwien jilmaw fis-sema
li tarahom f’xulxin sfumati.
null
Paġna 8
Iżda jien għamilt ta’ rasi.
Bdejt nixxabbat, eċċitata,
imma sibt ruħi nixxengel
u waqajt, ġejt għall-patata.
null
Paġna 9
Tmiem