Darba waħda r-riħ qal lix-xemx, “Jien aktar b’saħħti minnek.”
Ix-xemx ma ħaditx gost. “Aħna t-tnejn tajbin,” qaltlu x-xemx.
(Il-kontenut tal-Kotba Diġitali żviluppat għall-Qari Għal Qalbi/Malti llivellat, li qiegħed miżmum fuq din il-pjattaforma u l-kodiċi HTML5 tiegħu, għandu jibqa’ l-proprjetà intellettwali tal-Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni, u għalhekk ma jistax isir użu kummerċjali u/jew profitt minnu).
Ix-Xemx u r-Riħ
Paġna 1
Kien għaddej raġel bil-ġlekk fit-triq.
“Tridx nagħmlu mħatra?” staqsa r-riħ.
Paġna 2
“Min jirnexxilu jneħħi l-ġlekk tar-raġel l-ewwel jirbaħ,” qal ir-riħ.
Ix-xemx qablet u qalet lir-riħ biex jibda.
Paġna 3
Ix-xemx marret tistaħba wara s-sħab.
Ir-riħ beda jonfoħ.
Paġna 4
Ir-riħ nefaħ b’kemm kellu saħħa u qam riefnu kbir.
Ir-raġel qafel sew il-buttuni tal-ġlekk.
Paġna 5
Ir-riħ kompla jonfoħ fuq li jonfoħ sakemm qata’ nifsu.
“Ma niflaħx aktar,” qal ir-riħ għajjien.
Paġna 6
Fl-aħħar ir-riħ qata’ qalbu u waqaf jonfoħ.
Issa kien imiss ix-xemx.
Paġna 7
Ix-xemx ħarġet minn wara s-sħab u bdiet tisreġ qawwija.
Ir-raġġi tax-xemx dehru fuq il-bini. Waslu fuq l-art u laħqu lir-raġel ukoll.
Paġna 8
Ir-raġel ħass is-sħana.
Neża’ l-beritta u ħall il-buttuni tal-ġlekk.
Paġna 9
Is-sħana bdiet tinħass aktar qawwija.
“Xi sħana qed inħoss f’daqqa waħda!” qal ir-raġel.
Paġna 10
Ir-raġel neża’ l-ġlekk u xammar il-qmis.
Poġġa fuq bank, ħareġ ktieb mill-basket u beda jaqra.
Paġna 11
Is-sħab u x-xita ferħu lix-xemx għax rebħet l-imħatra.
“Brava!” qalu s-sħab u x-xita lix-xemx.
Paġna 12
Ir-riħ ma ħax gost li rebħet ix-xemx. Kien se jerġa’ jqajjem riefnu kbir.
B’hekk ir-raġel iħoss il-bard u jerġa’ jilbes il-ġlekk.
Paġna 13
“M’għandekx għalfejn tirrabja,” qalet ix-xemx lir-riħ.
“Aħna kollha differenti imma rridu naħdmu flimkien,” kompliet ix-xemx.
Paġna 14