(Il-kontenut tal-Kotba Diġitali żviluppat għall-Qari Għal Qalbi/Malti llivellat, li qiegħed miżmum fuq din il-pjattaforma u l-kodiċi HTML5 tiegħu, għandu jibqa’ l-proprjetà intellettwali tal-Ministeru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni, u għalhekk ma jistax isir użu kummerċjali u/jew profitt minnu).

Is-Sistema Solari

null
Fl-univers insibu ħafna sistemi solari, imma l-aktar waħda importanti għalina hija s-sistema solari tagħna.
Ix-xemx tinsab fiċ-ċentru ta’ din is-sistema u magħha nsibu jduru tmien pjaneti u l-qmura tagħhom, kometi, meteoriti, asterojdi u l-pjaneti nani. Din id-dawra max-xemx ngħidulha orbita. Il-pjaneti jinqasmu f’żewġ tipi: erba’ pjaneti interni u erbgħa esterni.
Paġna 1
Il-pjaneti interni iżgħar mill-pjaneti esterni. Fosthom insibu ’l Merkurju, ’il Venere, id-Dinja, u ’l Marte. Merkurju hija l-iżgħar pjaneta fis-sistema solari tagħna u l-eqreb tax-xemx. Din il-pjaneta m’għandhiex qmura.
null
Paġna 2
Venere u d-Dinja huma kważi ndaqs, iżda Venere tinsab eqreb tax-xemx mid-Dinja. Venere, bħal Merkurju, m’għandha l-ebda qamar. Venere spiss tidher mid-Dinja kmieni filgħodu jew tard filgħaxija u tissejjaħ ukoll il-Kewkba ta’ Filgħodu jew il-Kewkba ta’ Filgħaxija, skont il-ħin.
null
Paġna 3
Id-Dinja għandha qamar wieħed u dan narawh billejl. Filwaqt li l-pjaneti kollha jduru max-xemx, il-qmura jduru mal-pjaneti.
null
Paġna 4
Marte hija ġara tad-Dinja u magħrufa wkoll bħala ‘il-pjaneta l-ħamra’. Hija għandha żewġt iqmura.
null
Paġna 5
Il-pjaneti esterni huma akbar u fosthom insibu ’l Ġove, ’il Saturnu, ’il Nettunu u ’l Uranu. L-akbar pjaneta hija Ġove li għandha 67 qamar u tlitt iċrieki. Hija wkoll l-eqreb waħda tax-xemx fosthom.
null
Paġna 6
Il-pjaneta Saturnu magħrufa għaċ-ċrieki, li minnhom għandha 7. Għandha wkoll 62 qamar.
null
Paġna 7
Min-naħa l-oħra, madwar Uranu nsibu 27 qamar u 13-il ċirku, filwaqt li l-pjaneta Nettunu għandha 14-il qamar u sebat iċrieki.
null
Paġna 8
Fost l-aktar membri misterjużi tas-sistema solari nsibu l-kometi, li huma blalen iffriżati ta’ gass, trab u ġebel u jħallu denb ta’ gassijiet warajhom.
null
Paġna 9
Insibu wkoll l-asterojdi. Dawn huma ġebel kbir idur max-xemx, imma iżgħar mill-pjaneti.
null
Paġna 10
Il-meteoriti li huma biċċiet ta’ kometi jew asterojdi li meta jidħlu fl-atmosfera tad-dinja narawhom bħala kwiekeb feġġejja fis-sema.
null
Paġna 11
Fl-aħħar insibu l-pjaneti nani. Dawn jixbhu l-pjaneti normali, imma huma ħafna iżgħar. Fil-fatt huma kollha iżgħar minn Merkurju u mill-qamar tad-Dinja stess. Dawn il-pjaneti nani nsibuhom fl-istess orbita tal-kometi u l-asterojdi, ’il barra minn Uranu u Nettunu. Fosthom insibu ’l Plutone li sa xi snin ilu kienet meqjusa bħala pjaneta komuni. Plutone għandha ħamest iqmura.
null
Paġna 12
Tmiem